شعر شعبي عاطفي

بكيت ابكاء..علي عمر ضاع وحلم راح مشاء..مقهور من حالي
بكيت بلوعــــــــــــــــــــــــــــــــــــــــــــــ ــــــــه .. علي عمر ضاع ومستحل ارجـــــــــوعه
وقصة غلأ في داخلي مطـــــــــــــــــــــبوعــه .. اعماها اشقيت و ما عـــــــــــــــرفت زهاء
سـريب الغلأ خشيت في موضـــــــــــــــوعـه .. القيته عذاب و ما القيـــــــــــــــــــــــت هناء
معايا القيت النفس موش قنوعـــــــــــــــــــــــه .. اتريد الغلأ و ماتريد فيـــــــــــــــــــــه شقاء
دارت غلأ ما تم حتى اسبوعــــــــــــــــــــــــه .. وتمت عليه. معاه جــــــــاهـــــــــــــــــا داء
لقت روحها في حزنها مصــــــــــــــــــروعه .. تقاوى عليها ما القيـــــــــــــــــــــــــــــت دواء
قعد حال قلبي امكسرات اضلـــــــــوعـــــــــــه .. يحكي علي حاله ولي شكــــــــــــــــــــــــــــاء
وياما اصدن فالزمان ادروعــــــــــــــــــــــــــه .. لكن خسارة اليوم طاح هـــــــــــــــــــــــــــواء
وياما برق نجمه قوي اسطـوعــــــــــــــــــــــه .. واليوم حاله شين تم طفــــــــــــــــــــــــــــــــاء
ما عاد ينفع فالجديد اولوعـــــــــــــــــــــــــــــه .. مسحون منها نين راح هــــــــــــــــــــــــــــباء
القيت السعادة فدنيتي منزوعـــــــــــــــــــــــــه .. والحزن قسمي و من نصـــــــــــــــــــــــيبي ناء
موال الغلأ نا ذبت في مشروعـــــــــــــــــــــه .. راحن اسنيني و ما ايفيد رجــــــــــــــــــــــــــاء
وصافن جناين كاينـه مزروعــــــــــــــــــــــــه .. وصارن صحاري واسعه وفــــــــــــــــــضــاء
حياتي غريبه امزيفه ومصنوعـــــــــــــــــــــه .. ما ايفيد فيها اندير يوم غـــــــــــــــــــــــــــــــلأ
هذا نصيبي وجاي نا في طوعـــــــــــــــــــــه .. مكتوب من ربي نصيب وجـــــــــــــــــــــــــــاء
قسم ونصيب متعدد فريد فنوعـــــــــــــــــــــه .. فرقا حبايب عايشين ســـــــــــــــــــــــــــــــــــواء
و في كل وقت اخبارهم مسموعــــــــــــــــــه .. غزير دمعهم نازل اسيول اشـــــــــــــــــــــــــتاء
جو الغلأ واعر صعيب اطلوعــــــــــــــــــــه .. وهاذي نصيحه ما نريد جـــــــــــــــــــــــــــــــزاء
ما دير في عمرك اللي ممنوعــــــــــــــــــــه .. وترجع بعد لوعه ادير عــــــــــــــــــــــــــــــــــزاء
بكيت ابكاء .. علي عمر ضاع و حلم راح مشاء .. مقهور من حالــــي